Dr. Nurian Ohri (MD) - Dr Nurian Ohri

Kam lindur e jam rritur në qytetin e Beratit. Pasi kam mbaruar shkollën fillore dhe 8-vjeçare në Berat, kam vazhduar studimet e shkollës së mesme në Stamboll.

Më pas, kam kryer studimet e larta në Universitetin e Ankarasë dega mjekësi. Specializimin 5-vjeçar për kirurgji të përgjithshme e kam mbaruar po në Universitetin e Ankarasë, i cili është universiteti më i mirë dhe më i njohur në Turqi për kirugjinë e përgjithshme dhe onkologjike. Në të njejtin universitet kam kryer më pas 2 vjet e gjysëm specializim për kirurgji onkologjike ku jam marrë kryesisht me ndërhyrjet kirurgjikale të sëmundjeve tumorale.

Kam një eksperiencë të konsoliduar disa-vjeçare në fushën e kirurgjisë së përgjithshme, obezitetit dhe asaj onkologjike ku kam kryer me mijëra ndërhyrje kirurgjikale në disa nga spitalet më të mira në Turqi në bashkëpunim me profesorët më të njohur turq në këtë fushë.

Operacioni i parë është ai më i rëndësishmi në trajtimin kirurgjikal të sëmundjeve tumorale. Sigurohuni që ai të kryhet nga kirurgë të kësaj fushe dhe në qendra të specializuara.

Operacionet e tumoreve kërkojnë një përvojë të veçantë dhe një përqasje bashkohore dhe herë pas here një bashkëpunim multi-disiplinor mes kirurgëve dhe degëve të tjera të onkologjikut. Kjo përvojë është e lidhur drejtpërsëdrejti me numrin e lartë të pacientëve të trajtuar prej këtyre kirurgëve dhe qendrave të specializuara.

Rreth meje

Operacioni i parë është ai më i rëndësishmi në trajtimin kirurgjikal të sëmundjeve tumorale. Sigurohuni që ai të kryhet nga kirurgë të kësaj fushe dhe në qendra të specializuara.