Rreth meje

Kam lindur e jam rritur në qytetin e Beratit. Pasi kam mbaruar shkollën fillore dhe 8-vjeçare në Berat, kam vazhduar studimet e shkollës së mesme në Stamboll.

Më pas, kam kryer studimet e larta në Universitetin e Ankarasë dega mjekësi. Specializimin 5-vjeçar e kam mbaruar po në Universitetin e Ankarase, i cili është ndër universitetet më të mira e më të njohura në Turqi për kirugjinë e përgjithshme dhe onkologjike. Në të njejtin universitet kam kryer më pas 2 vjet e gjysëm specializim për kirurgji onkologjike ku jam marrë kryesisht me ndërhyrjet kirurgjikale të sëmundjeve tumoriale.

Kam një eksperiencë të konsoliduar disa-vjeçare në fushën e kirurgjisë onkologjike ku kam kryer me qindra ndërhyrje kirurgjikale në disa nga spitalet më të mira në Turqi në bashkëpunim me disa prej profesorëve më të njohur turq në këtë fushë.

Qëllimi im është të ndihmoj pacentët shqiptarë në perpjekjet e tyre për kurimin e semundjeve tumorale, duke u ofruar alternativa, metoda te reja, por edhe pergjigje për pikepyetjet që mund të kenë dhe më kryesorja, zgjidhjen e duhur në kohën e duhur.

Mos harroni se operacioni i parë është ai më i rëndësishmi në trajtimin kirurgjikal të semundjevë tumorale. Ai luan një rol të rëndësishëm në ecurinë e sëmundjes suaj. Sigurohuni që ai te kryhet nga kirurgë të kësaj fushe dhe me eksperiencë.

Operacionet e tumoreve nuk i ngjajnë operacioneve të tjera. Ato kërkojnë një përvojë të veçantë dhe një përqasje bashkohore dhe herë pas here një bashkëpunim multi-disiplinor mes kirurgëve dhe kjo ndihet akoma më shumë në kohën tonë ku çdo ditë dalin teknika të reja dhe shkenca sa vjen e përparon.