Shenjat e tumorit te gjëndrës tiroide

Tumori i gjëndrës tiroide në krahasim me disa tumore të tjerë është relativisht më i rrallë dhe ndahet  mes veti  në 4 grupe.  

Secili lloj ka nje trajtim te vecantë si kirurgjikal ashtu edhe pas kirurgjisë. 

Shenja më e shpeshtë e tyre është një masë që nuk jep dhimbje e vendosur në pjesën ballore ose anësore të qafës. Ky formacion mund të jetë një nodus i gjëndrës tiroide ose një gjëndër limfatike.

Shenja të tjera që kur shoqërohen me masën tregojnë se kjo masë mund të jetë malinje, pra kanceroze, janë:

Ngjirja e zërit, invazioni i strukturave përreth (psh muskuli), rritja e shpejtë e masës, dhe në raste më të avancuara marja e frymës, probleme të gelltitjes; etj.

Këto janë shenja të dyshimta po jo absolute për proces malinj. Kirurgu onkolog ose endokrinologu duhet të dyshojë në këto raste dhe të bëj analizat e duhura imazherike apo biopsinë, nëse nevojitet.