Kujdesi që duhet pasur gjatë Anastamozës
Anastamoza quhet qepja e dy skajeve të një organi ose të dy organeve të ndryshme pasi janë prerë.
Kryesisht pas operacioneve të stomakut apo zorrës së trashë rrjedhja prej këtyre qepjeje është një nga problemet më të shpeshta dhe nganjëherë më serioze të kirurgjisë. Edhe pse rrjedhja si komplikacion nuk ka gjithmonë lidhje me teknikën e kryer, çdo kirurg dëshiron të kryej një anastamozë sa më të shëndetshme.
Pak para mbarimit të operacionit, kontrolli i kësaj lidhjeje (anastamozës) duhet kryer me domosdoshmëri, pasi një zbulim i hershëm i një rrjedhjeje para mbarimit të operacionit rezulton me një rikonstruksion të kësaj lidhjeje dhe shpëton pacientin prej situatave jo të këndshme në ditët në vijim. Për këtë arsye, në operacionet tona i kushtohet një vëmendje e veçantë këtij proçesi duke bërë për çdo pacient rregullisht një sërë kontrollesh gjatë operacionit, mes tyre; kontrolli i vaskularizimit të anastamozës, kontrolli për mos patjen e tendosjes, kontrolli me endoskopi, kontrolli duke dhënë ajër ose me lëndë të ngjyrosur. Mbështetja e kësaj qepjeje me shtresë të dytë për ta përforcuar është gjithashtu një nga masat që marrim për minimizuar këtë komplikacion.
