Kujdes me hemorragjitë vaginale pas menopauzës
Ja përse duhet të keni kujdes me hemorragjitë vaginale pas menopauzës.
Kanceri i mitrës, i quajtur dhe kanceri endometrial, zhvillohet në të shumtën e rasteve prej shtresës së brendshme të mitrës që e ka emrin endometrium.
Ky është tumori më i shpeshtë te femrat në vendet e zhvilluara. Te moshat para menopauzës ai shfaqet me hemorragji vaginale të tepërta, apo çrregullime hemorragjike. Kurse pas menopauzës, me hemorragji të çdo lloji. Në këto raste duhet bërë një kontroll te gjinekologu ose te gjinekoonkologu për të përjashtuar këtë sëmundje dhe për të gjetur zgjidhjen e duhur. Sidomos pas menopauzës çdo lloj hemorragjie duhet marrë me seriozitet.
Mos harroni se një vizitë në kohën e duhur dhe zbulimi i hershëm i sëmundjes jep rezultate shumë pozitive.
